जिल्ला प्रशासन कार्यालय बर्दियाद्वारा बाँसगढीमा सार्वजनिक सुनुवाई कार्यक्रम सम्पन्न
2 महिना अगाडी
2082-12-15
(1).jpeg)
तस्बिर :
बर्दिया, २०८२ चैत १५ — जिल्ला प्रशासन कार्यालय बर्दियाको आयोजना तथा बाँसगढी नगरपालिकाको सहयोग र सहजीकरणमा बाँसगढी नगरपालिका भवनमा सार्वजनिक सुनुवाई कार्यक्रम सम्पन्न भएको छ।
प्रमुख जिल्ला अधिकारीको अध्यक्षता तथा बाँसगढी नगरपालिकाका नगर प्रमुख श्री खडक बहादुर खड्काको प्रमुख आतिथ्यतामा आयोजित उक्त कार्यक्रममा जिल्लाको शान्ति सुरक्षा, अपराध नियन्त्रण, सुशासन प्रवर्द्धन, विकास आयोजना कार्यान्वयनमा सहजीकरण तथा सार्वजनिक सेवा प्रवाह सम्बन्धी विषयमा विस्तृत छलफल गरिएको थियो।
कार्यक्रममा जिल्ला सुरक्षा समितिका पदाधिकारीहरु, नगर उपप्रमुख, प्रमुख प्रशासकीय अधिकृत, वडा अध्यक्ष तथा सचिवहरु, स्थानीय राजनीतिक दलका प्रतिनिधिहरु, उद्योग वाणिज्य संघका पदाधिकारीहरु, पत्रकार तथा सञ्चारकर्मीहरु, नागरिक समाजका अगुवाहरु तथा स्थानीय नागरिकहरुको उल्लेखनीय सहभागिता रहेको थियो।
सार्वजनिक सुनुवाई कार्यक्रममा सहभागीहरुले सेवा प्रवाहमा देखिएका समस्या, चुनौती तथा सुधारका सम्भावित उपायहरुको बारेमा आफ्नो धारणा तथा सुझाव प्रस्तुत गरेका थिए। प्रस्तुत सुझावहरुलाई सम्बोधन गर्दै सरोकारवाला निकायहरुले सेवा प्रवाहलाई थप प्रभावकारी, पारदर्शी र जनमैत्री बनाउने प्रतिबद्धता व्यक्त गरेका थिए।
यस किसिमका कार्यक्रमले जनताको गुनासो प्रत्यक्ष रुपमा सम्बोधन गर्न तथा सुशासन प्रवर्द्धनमा महत्वपूर्ण योगदान पुर्याउने विश्वास व्यक्त गरिएको छ।
.jpeg)
