जिल्ला प्रशासन कार्यालय, बर्दियामा कार्यालय प्रमुखहरूको बैठक सम्पन्न
1 महिना अगाडी
2083-02-04
तस्बिर :
मिति २०८३ साल जेठ ०४ गते, नेपाल संवत् ११४६ अनलाथ्व ४, सोमबारका दिन प्रमुख जिल्ला अधिकारी श्री गोगन बहादुर हमालको अध्यक्षतामा जिल्ला प्रशासन कार्यालय, बर्दियामा बर्दिया जिल्लाभित्र कार्यक्षेत्र रहेका विभिन्न सरकारी कार्यालयका प्रमुख तथा प्रतिनिधिहरूको बैठक सम्पन्न भएको छ।बैठकमा जिल्लामा प्रवाह भइरहेको सार्वजनिक सेवा प्रभावकारी, सहज तथा नागरिकमैत्री बनाउने विषयमा विस्तृत छलफल गरिएको थियो। सेवाग्राहीलाई सरल, छिटोछरितो तथा गुणस्तरीय सेवा उपलब्ध गराउने, कार्यालयहरूबीच समन्वय र सहकार्य सुदृढ बनाउने तथा सेवा प्रवाहमा देखिएका समस्याको समाधानका उपायबारे सहभागीहरूबीच विचार आदानप्रदान भएको थियो।त्यसैगरी, मनसुनजन्य विपद् जोखिमलाई मध्यनजर गर्दै विपद् व्यवस्थापन तथा उद्धार कार्यलाई तयारीमुखी बनाउने, सम्बन्धित निकायहरूबीच पूर्वसमन्वय गर्ने, आवश्यक स्रोतसाधनको व्यवस्थापन तथा जिम्मेवारी स्पष्ट गरी प्रभावकारी कार्यान्वयन गर्ने विषयमा समेत छलफल गरिएको थियो।बैठकमा जिल्लामा सञ्चालित विकास निर्माणका कार्यलाई निर्धारित समयसीमाभित्र गुणस्तरीयरूपमा सम्पन्न गराउने, विकास आयोजनाहरूको नियमित अनुगमन गर्ने तथा देखिएका अवरोध हटाउन आवश्यक सहजीकरण गर्ने विषयमा पनि जोड दिइएको थियो।साथै, नेपाल सरकार तथा सम्बन्धित मन्त्रालय/विभागबाट प्राप्त निर्देशन, परिपत्र तथा नीति–निर्देशनहरूको पूर्ण कार्यान्वयन सुनिश्चित गर्न सबै कार्यालय प्रमुख तथा प्रतिनिधिलाई आग्रह गरिएको थियो। समग्र प्रशासनिक कार्यसम्पादनलाई थप प्रभावकारी, उत्तरदायी तथा परिणाममुखी बनाउन सम्बन्धित सबै निकायले आ–आफ्नो जिम्मेवारी निर्वाह गर्न प्रमुख जिल्ला अधिकारीबाट आवश्यक निर्देशन समेत भएको थियो।
