4 दिन अगाडी
2083-01-04
तस्बिर :
बर्दिया, २०८३ वैशाख ४ गते ।प्रमुख जिल्ला अधिकारी श्री गोगन बहादुर हमालको अध्यक्षतामा आज बर्दिया जिल्लास्थित विभिन्न कार्यालयका प्रमुखहरुको बैठक सम्पन्न भएको छ। बैठकमा नयाँ वर्ष २०८३ को अवसरमा आपसी शुभकामना आदान–प्रदान गर्नुका साथै जिल्लामा सेवा प्रवाहलाई अझ प्रभावकारी बनाउने, विकास निर्माणका कार्यलाई तीव्रता दिने, नेपाल सरकारद्वारा जारी गरिएको १०० बुँदे सुधार कार्यक्रमको पूर्ण कार्यान्वयन गर्ने लगायतका विषयमा विस्तृत छलफल गरिएको थियो। त्यसैगरी, “शून्य बाँकी फाइल सप्ताह” अभियानलाई प्रभावकारी रुपमा सञ्चालन गर्ने, विपद् व्यवस्थापनलाई सुदृढ बनाउने, जिल्लाको शान्ति सुरक्षालाई थप मजबुत बनाउने तथा सरकारी तथा सार्वजनिक जग्गाको संरक्षणमा कडाइका साथ लाग्ने विषयमा समेत आवश्यक निर्णयहरु गरिएको बैठकमा जानकारी दिइयो। बैठकले समग्र रुपमा सुशासन प्रवर्द्धन, सेवा प्रवाहमा पारदर्शिता र प्रभावकारिता अभिवृद्धि गर्दै जिल्लाको समग्र विकासमा टेवा पुर्याउने प्रतिबद्धता व्यक्त गरेको छ।
