जिल्ला सुरक्षा समिति बर्दियाको बैठक सम्पन्न, नवआगन्तुक सहायक प्रमुख जिल्ला अधिकारीलाई स्वागतः
तस्बिर :
गुलरिया, बर्दिया। मिति २०८३/०७/१३ गते। जिल्ला सुरक्षा समिति बर्दियाको बैठक आज मिति २०८३/०७/१३ गते सम्पन्न भएको छ। बैठकमा जिल्लाको समग्र शान्ति सुरक्षा अवस्था, विपद् व्यवस्थापन, अपराध नियन्त्रण लगायत समसामयिक सुरक्षा चुनौती तथा सरोकारका विषयमा विस्तृत छलफल गरिएको छ। बैठकमा जिल्लाको शान्ति सुरक्षा अवस्थालाई थप सुदृढ, प्रभावकारी र भरपर्दो बनाउने, सम्भावित विपद्का जोखिम न्यूनीकरण तथा विपद् प्रतिकार्यलाई व्यवस्थित गर्ने र अपराध नियन्त्रण तथा रोकथामका लागि सम्बन्धित सुरक्षा निकायहरूबीच आवश्यक समन्वय र सहकार्यलाई थप प्रभावकारी बनाउने विषयमा छलफल गरी आवश्यक निर्णयहरू गरिएको छ।
यसै अवसरमा बर्दिया जिल्लामा सरुवा भई आउनुभएका सहायक प्रमुख जिल्ला अधिकारी एवम् जिल्ला सुरक्षा समितिका सदस्य-सचिव श्री राम दत्त भट्टलाई जिल्ला सुरक्षा समिति बर्दियाका तर्फबाट स्वागत तथा सफल कार्यकालको शुभकामना व्यक्त गरिएको छ।
.jpeg)