जिल्ला प्रशासन कार्यालय, बर्दियाका कर्मचारीहरूद्वारा विदाई तथा फेरि भेटौँला कार्यक्रम आयोजना

१ दिन अगाडी २०८३-०६-२९

WhatsApp_Image_2026_10_15_at_3.17.56_PM_(1).jpeg

**गुलरिया, बर्दिया ।** मिति २०८३ साल असोज २९ गते सरुवा भई जान लाग्नुभएका बर्दियाका सहायक प्रमुख जिल्ला अधिकारी श्री अशोक कुमार भण्डारीलाई जिल्ला प्रशासन कार्यालय, बर्दियाका कर्मचारीहरूद्वारा विदाई तथा फेरि भेटौँला कार्यक्रम आयोजना गरी बिदाइ गरिएको छ।

कार्यक्रममा कार्यालयमा कार्यरत कर्मचारीहरूले सहायक प्रमुख जिल्ला अधिकारी भण्डारीको कार्यकालमा उहाँले निर्वाह गर्नुभएको जिम्मेवारी, कार्यसम्पादन तथा कार्यालयको कार्यप्रणालीमा पुर्‍याउनुभएको योगदानको स्मरण गर्दै आगामी कार्यकालको सफलताको कामना व्यक्त गर्नुभयो।

निजामती सेवामा सरुवा एक नियमित प्रक्रिया भए पनि सहकर्मीसँगको सहकार्य, आत्मीयता र व्यावसायिक सम्बन्ध सदैव स्मरणीय रहने विचार व्यक्त गर्दै सहभागीहरूले उहाँको आगामी कार्यजीवन सुखद, सफल र उपलब्धिमूलक रहोस् भन्ने शुभकामना व्यक्त गर्नुभयो।

कार्यक्रमले कर्मचारीहरूबीच आपसी सद्भाव, सहकार्य र आत्मीय सम्बन्धलाई थप सुदृढ बनाउनुका साथै सरुवा भई जान लाग्नुभएका सहायक प्रमुख जिल्ला अधिकारी भण्डारीप्रति सम्मान र शुभेच्छा व्यक्त गर्ने अवसर प्रदान गरेको थियो।

जिल्ला प्रशासन कार्यालय, बर्दिया उहाँको आगामी कार्यकालको सफलताको हार्दिक शुभकामना व्यक्त गर्दछ।