घरमै पुगेर अशक्त बालकलाई नेपाली नागरिकताको प्रमाणपत्र प्रदान
.jpeg)
तस्बिर :
बर्दिया, २०८३ असार २६
सेवाग्राहीमैत्री, समावेशी तथा सहज सार्वजनिक सेवा प्रवाहलाई प्राथमिकता दिँदै जिल्ला प्रशासन कार्यालय बर्दियाले पूर्णरुपमा अशक्त बालकलाई घरमै पुगेर नेपाली नागरिकताको प्रमाणपत्र प्रदान गरेको छ।
मिति २०८३/०५/२६ गते सहायक प्रमुख जिल्ला अधिकारी र प्रशासकीय अधिकृत लगायतको टोलीबाट गुलरिया नगरपालिका वडा नं. ११ बस्ने पूर्ण रुपमा अपाङ्गता भएका मोहम्मद सबाज गद्दीलाई घरमै पुगि उक्त वडाका वडा अध्यक्षको रोहबरमा निवासमै पुगेर आवश्यक कानुनी प्रक्रिया पूरा गरी नेपाली नागरिकताको प्रमाणपत्र हस्तान्तरण गरेको हो।
शारीरिक अवस्थाका कारण जिल्ला प्रशासन कार्यालयसम्म उपस्थित हुन असमर्थ सेवाग्राहीलाई घरमै पुगेर सेवा प्रदान गरिएको यस कार्यले नागरिकलाई सहज, पहुँचयोग्य र समावेशी सेवा उपलब्ध गराउने नेपाल सरकारको नीतिलाई व्यवहारमा कार्यान्वयन गरेको छ।
.jpeg)
