फरार प्रतिवादी पक्राउ
फरार प्रतिवादी पक्राउ । मिति २०८३/०६/०१ गुलरिया, बर्दिया ।
जबरजस्तीकरणी मुद्दामा सम्मानित बर्दिया जिल्ला अदालतबाट रु. ५०,००० जरिवाना तथा १० वर्ष कैद सजाय तोकिएका फरार प्रतिवादी बढैयाताल गाउँपालिका वडा नं. ७ बस्ने वर्ष २९ का कृष्ण चमारलाई पक्राउ गरिएको छ।
निज फरार प्रतिवादी नेपाली नागरिकताको प्रमाणपत्र लिनका लागि जिल्ला प्रशासन कार्यालय, बर्दियामा आएको अवस्थामा प्राप्त गोप्य सूचनाका आधारमा जिल्ला प्रशासन कार्यालय बर्दिया र जिल्ला प्रहरी कार्यालय बर्दियाको संयुक्त टोलीले नियन्त्रणमा लिएको हो।
नियन्त्रणमा लिइएका निजलाई आवश्यक कानुनी प्रक्रिया पूरा गरी आज सम्मानित बर्दिया जिल्ला अदालतमा पेश गरिएकोमा अदालतको आदेशबमोजिम आजै बर्दिया कारागार चलान भएको।