राष्ट्रिय परिचयपत्र कार्ड बनेकाहरुले लैजाने सम्बन्धमा ।
2080-10-09
2080-10-09
यस कार्यालयमा हालसम्म २०,८१२ जनाको राष्ट्रिय परिचयपत्र कार्डहरु विभागबाट प्राप्त भई वितरण कार्य भइरहेको छ । विभागमा बुझ्दा छ्यासमिस गरी छपाई भइरहेको र बाँकीको पठाउने क्रममा रहेको भनी जानकारी प्राप्त भएको छ।
जो-जसको मोबाइलमा Dear..............., Your NID Card has been received at the DAO BARDIYA. You can collect your card within office hours. Best regards, DoNIDCR भन्ने म्यासेज आएको छ उहाँहरुले विवरण दर्ता गराउने क्रममा यस कार्यालयबाट तपाईलाई दिइएको भर्पाई/स्लिप वा मोबाइलमा आएको म्यासेज लिई स्वयम व्यक्ति उपस्थित भई यस कार्यालयको कोठा नं. १२ बाट राष्ट्रिय परिचय-पत्र कार्ड प्राप्त गर्न सक्नुहुनेछ ।
------ राष्ट्रिय परिचय पत्र बितरण संवन्धी थप जिज्ञासा र जवाफ !
राष्ट्रिय परिचयपत्रको विवरण दर्ता नगराउनु भएकाहरुले जिल्ला प्रशासन कार्यालय गुलरिया र इलाका प्रशासन कार्यालय राजापुर तथा बाँसगढीमा गई विवरण दर्ता गराउनुहुन ।
जिल्ला प्रशासन कार्यालय गुलरिया मै आएर फोटो खिचाएकाहरुको मात्र कार्ड आएको छ , वडाहरुमा खिचाएकाहरुको आएको छैन , अलि पछि आउन सक्छ , आए पछि हामी जानकारी गराउने छौ ।
प्रत्येक बट्टा बार कोड स्क्यान गरेर मात्र खोल्नुपर्छ , त्यस पछि activate भएको छ छै technically check गर्नुपर्छ । बट्टा खुले पछि मात्र उक्त बट्टामा रहेका कार्ड धनिहरुको नाम थाहा हुन्छ जस्को नत middle name ( प्रसाद , बहादुर ..) छ न ठेगाना नै त्यसैले हामिले पनि पूरा बिवरण खुलाउन नसकेका हौ !! सोही अनुसार तपाईलाई यति गतेसम्मको कार्ड प्राप्त भयो भनी सूचना गर्न नसकेका हौ ।
कुन मितिसम्मको आयो ? यस्को पनि उत्तर दिन सकिने गरि कार्डहरु प्राप्त भएको छैन , छ्यास्मिस छ ।
मैले खिचाएको एति बर्ष भयो , उति बर्ष भयो , किन आए न भन्ने जस्ता तपाईका प्रश्नहरु जायज छ्न ! तर हामीसँग यसको उत्तर नै छैन ! प्राप्त बट्टाहरुमा फोटो खिचाएको समय र नाम अघिको अल्फाबेट कुनैको ब्यवस्थित क्रम ( time & Alphabetical order ) नै छैन , छ्यासमिस छ ।
जुन जिल्लाबाट फोटो खिचाउनु भएको छ , कार्ड त्यही जिल्लाबाट पाउन सक्नुहुनेछ ।
तपाईको कार्डको कुनै बिवरण सच्याउनु परे सच्याउन सकिन्छ , यस्का लागि रु ५०० राजस्व लाग्छ र आवस्यक प्रमाणहरु सक्कलै चाहिन्छ।
बिदेशमा भएकाले नेपाल आएका बखत सम्पर्क राख्नुहुने छ ! ब्याक्ती स्वयमको फिङर पृन्ट मेशिनले म्याच गरेपछी मात्र कार्ड दिने प्रबिधी छ । त्यसैले अरुले बुझ्ने संभावना नै छैन ।
प्रत्येक कार्डको मेशिनले फिङर पृन्ट म्याच गर्नु पर्ने भएकोले वडा बाट बितरणको संभावना नै छैन किनकी प्रत्येक वडामा सफ्टवेयर चलाउने , फिङर पृन्ट म्याच गर्ने गरि मेशिन पठाउन सकिने संभावना नै छैन ।
Note : माथीको संदेश दोहोर्याएर अध्ययन गर्नुहोस , तपाईको प्रश्नको जवाफ त्यही भित्र छ ।
धन्यबाद ।